Minkejja t-temp sabiħ li għamel fl-aħħar jiem, it-temp illum jidher li se jkun wieħed kiesaħ u Xitwi. L-uffiċju meterjoloġiku qed ibassar li t-temp illum se jkun ftit jew wisq imsaħħab u kiesaħ u biċ-ċans ta’ xi ħalbiet iżolati tax-xita li jistgħu jkunu bis-silġ.
Jekk kont se tipparkja fejn il-baħar, erġa’ aħsibha hekk kif ir-riħ se jkun ftit qawwi għal qawwi mit-Tramuntana u li se jsir qawwi għal qawwi ħafna. L-ogħla temperatura llum se tkun 13°C, iżda llejla t-temperatura se tinżel għal 6°C.
It-temp fil-jiem li ġejjin ukoll mistenni li jkun kiesaħ, iżda huwa mbassar li nibdew is-sena b’temp xemxi.
