Plejer ieħor fil-mira ta’ Ħamrun Spartans F.C. huwa l-midfielder internazzjonali Malti Matthew Guillaumier. Din il-paġna tista’ tikkonferma li fil-jiem li għaddew Ħamrun offrew somma sostanzjali għal Guillaumier liema somma ġiet rifjutata minn Birkirkara F.C.
Sorsi viċin ta’ din il-paġna kkonfermaw li Birkirkara FC talbu lill-stess Hamrun Spartans FC sabiex kważi jirduppjaw s-somma offruta qabel jibdew in-negozjati.
Huwa mifhum li s-somma mitluba taqbeż il-kwart ta’ miljun ewro.
Wieħed irid jara jekk Ħamrun Spartans F.C. humiex lesti li joffru iżjed minn dak li diġà offrew sabiex jakkwistaw lill-ex plejer ta’ St. Andrews F.C.
