Philip Gruppetta, zagħzugħ ta 23 sena, kellu wirja ferm konvinċenti fil Masters tat-ten pin bowling b’rebħa fil-finali ta’ 251 – 174 kontra c-Champion Nazzjonali Mauro Anastasi.
Anastasi u Gruppetta iddominaw l-aħħar fażi tal-kwalifikazzjoni biex spiċċaw fl-ewwel żewġ postijiet għal final bejn sitta. Gruppetta lagħab kontra Melissa Swift u Kenneth Arpa, dan tal-aħħar jinqala bi split kiefer fl-aħħar frame tal-ewwel logħba, biex fit-tieni logħba, Gruppetta għeleb lil Melissa. Fil-grupp l-iehor, Anastasi ddomina lil Rankin Camilleri u Neil Sullivan b’logħob ferm sabiħ.
Fil-final fuq logħba waħda, Anastasi beda kemmxejn ħazin, waqt li Philip ħareġ sparat bi tlett strikes in fila. Għalkemm Mauro pprova jirkupra bi strikes hu ukoll, Philip baqa’ għaddej b’saħħtu u spiċċa jirbaħ il-masters għall-ewwel darba.
Fit-tielet post spiċċaw Neil Sullivan u Melissa Swift.
