Grupp ieħor ta’ immigranti li ddaħlu Malta bil-bastiment MV Lifeline ħalla Malta għall-Belġju fl-aħħar ħin.
Dan ikkonfermah il-Prim Ministru Joseph Muscat fi tweet ftit tal-ħin ilu. Dan bħala parti mill-ftehim Ewropew li sar b’inizjattiva tal-Prim Ministru Malti.
Another group of #Lifeline #immigrants leaves #Malta. This time their destination is #Belgium as per agreement reached in ad hoc #European mechanism -JM pic.twitter.com/xAJykW43ww
— Joseph Muscat (@JosephMuscat_JM) August 27, 2018
L-MV Lifeline iddaħħal Malta f’Ġunju li għadda b’ 230 passiġġier abbord, li qed jitqassmu bejn tmien Stati Membri Ewropej wara li ġew eżaminati u ngħataw iċ-ċans japplikaw għall-ażil. It-tmien pajjiżi li kkonfermaw li ser jieħdu numru ta’ individwi huma: Malta, Franza, l-Irlanda, il-Lussemburgu u l-Portugall.
Il-Prim Ministru Muscat kien saħaq li Malta ma kellha l-ebda obbligu internazzjonali sabiex tgħin lill-vapur iżda għamlet dan fuq bażi umanitarju.
L-Aġenzija tan-Nazzjonijiet Magħquda għar-Refuġjati, il-UNHCR, laqgħet bi pjaċir id-deċiżjoni tal-Gvern Malti.
