L-attivista favur l-ambjent Greta Thunberg ġibdet widnejn il-mexxejja tal-pajjiżi madwar id-dinja sabiex jieqfu jkaxkru saqajhom biex jimplimentaw qafas leġislattiv li jindirizza t-tibdil fil-klima.
Thunberg saħqet dan waqt is-Summit tan-Nazzjoni Magħquda għat-tibdil fil-klima li qed f’Madrid.
Din iċ-ċanfira ta’ Thunberg ġiet wara li l-President Brażiljan Jair Bolsonaro għajjar lill-attivista favur l-ambjent.
Waqt dan is-summit Greta Thunberg qalet li l-periklu veru huwa meta politiċi jagħmlu ta’ bi ruħhom li qed jittieħdu l-azzjonijiet favur l-ambjent iżda dan ma jseħħx.
Ritratt: BBC News
