“Grazzi tal-appoġġ, ninsab tajjeb” – Chris Agius

Is-Segretarju Parlamentari Chris Agius kellu kliem ta’ ringrazzjament għall-appoġġ u l-għajnuna li rċieva wara li dalgħodu safa mtajjar minn karozza.

L-inċident seħħ fit-tmienja ta’ dalgħodu meta kien qed jaqsam it-triq minn fuq zebra crossing.

Spjegalna li f’Mater Dei sarlu intervent mediku f’saqajh wara li t-tobba sabu li kien qed isofri minn ksur.

Agius temm jgħidlina li se jkun qed “Inħares ‘il quddiem biex nirritornaw inkomplu l-ħidma,”