Anzjan jirringrazzja liż-żgħażagħ li tawh l-għajnuna wara li ħassu ħażin waqt li kien qed jara l-logħba tal-futbol tal-bieraħ f’Campus Hub.
F’kitba li talla’ fuq Facebook mingħajr identià, ir-raġel spjega kif hu għandu 70 sena u b’ċajta kiteb kif ilbieraħ ried jilgħabha ta’ żagħżugħ u mar jara l-logħba f’Campus Hub – żona li fiha lbieraħ intweriet il-logħba bejn Spanja u l-Ingilterra.
Fil-kitba tiegħu hu rringrazzja liż-żgħażagħ kollha li ġabulu l-ilma u ħadu ħsiebu sakemm ġew għalih.
Kienu bosta li faħħru dan il-ġest taż-żgħażagħ filwaqt li għamlu kuraġġ lil dan ir-raġel biex ikompli jgħix ħajtu hekk kif minkejja għandu 70 sena ma jfissirx li għandu jinqafel ġewwa.
Bosta fil-kummenti kitbulu u ħeġġuh biex ma jaqtax qalbu u jkompli jattendi għall-attivitajiet kollha li tixtieq qalbu.
