Fl-unika partita tal-Ħadd fit-Tony Bezzina Stadium, Marsaxlokk ħallew għal aħħar biex għelbu lill-Santa Lucia bl-iskor minimu ta’ 1-0.
L-ewwel azzjoni tal-lobgħa waslet minn Marsaxlokk fl-10 minuta meta kien Leandro Aguirre li provda l-kross u Tiago Adan Foncesa bir-ras impenja lil Matthew Calleja Cremona li salva f’korner.
Ħames minuti wara kienu Marsaxlokk meta Daniel Agius prova xutt li ntemm max-xibka minn barra. Mill-ġdid Marsaxlokk fl-20 minuta meta Krisitan Keqi qassam lejn Thiago Adan Fonseca li prova xutt li kien mdawwar f’korner minn Calleja Cremona.
Santa Lucia irrispondew ma’ kważi nofs siegħa logħob meta kien Dexter Xuereb li krossja u Yevheni Terzi kellhu x-xutt tiegħu imblukkat mid-difiza ta’ Marsaxlokk.
Fl-aħħar azzjoni ta’ l-ewwel taqsima xutt ta’ Robert Hehedosh kien salvat minn Marko Drobnjak.
L-ewwel azzjoni tat-tieni taqsima waslet fil-53 minuta meta kien Rodrigues Farias li qassam lill-Robert Hehedost li prova jqabbeż il-ballun iżda intemm barra.
Ċans ieħor għal Santa Lucia fil-70 minuta meta Yevenhi Terzi baqa’ javvanza u prova xutt li kien mblukkat mill-goalkeeper ta’ Marsaxlokk.
Mat-tokki ta’ 90 Minuta Marsaxlokk skorjaw il-gowl li tagħhom it-tlett punti meta kien Oscar Carnielo li prova xutt li ħabat ma’ Lorenzo Soarez u qarraq għal kollox bil-gowler Matthew Calleja Cremona bil-ballun jispiċċa fix-xibka.
Fl-aħħar azzjoni tal-lobgha kien s-sositut ta’ Marsaxlokk Vamara Sanago li prova xutt li ntemm mal lasti.
Referee: Slobodan Petrovic
Plejer tal-logħba: Farias Rodriuges (Santa Lucia)
