Propju fil-jum li r-Russi ħarġu jivvutaw għall-elezzjonijiet parlamentari u lokali, Google u Apple iddeċidew li jneħħu app Russa bl-isem ta’ Smart Voting minn fuq il-pjattaforma tagħhom.
Din l-app ġiet iddisinjata mill-mexxej tal-Oppożizzjoni Alexei Navalny li llum il-ġurnata jinsab miżmum mill-awtoritajiet Russi.
Filfatt l-awtoritajiet heddew lill-kumpaniji b’multi jekk jirrifjutaw li jneħħu l-app hekk kif l-app tgħid lil kull min jagħmel użu minna biex ineħħi lill-kandidati tal-partit fil-poter.
L-elezzjonijiet huma mifruxa fuq medda ta’ tlett ijiem u l-partit tal-President Vladimir Putin, United Russia, huwa mistenni li jirbaħ.
