Illum jispara William Chetcuti, it-tama Maltija għall-ewwel medalja Olimpika fl-istorja.
Tama li qed tkun ikkonfermata wkoll mill-kumpaniji tal-betting li qed ipoġġuh fost il-favoriti li jirbħu d-deheb fid-double trap.
Il-kumpanija Betfair, waħda mill-ewlenin, għandhom biss lill-Awstraljan James Willet qablu. U b’rebħ ta’ 4.33 għal kull ewro milgħub Chetcuti jinsab warajh. Il-Malti, li riċentament rebaħ it-Tazza tad-Dinja jibda jispara f’rawnd ta’ kwalifikazzjoni fis-sagħtejn u għalkemm il-potenzjal huwa enormi dawk li marru fl-Olimpjadi kollha kapaċi jisparaw b’suċċess fil-ġurnata tagħhom.
Nittamaw li tkun il-ġurnata tas-suldat Malti. Minn naħa tagħhna Good Luck William!
