Hekk kif wasal lura Madrid, wara l-impenji li kellu mat-tim nazzjonal Malti ta’ taħt is-17-il sena, il-goalkeeper ta’ 15-il sena Miguel Spiteri ffirma ma’ Getafe CF fl-għola diviżjoni Spanjola.
Dan hu t-tieni tim li ser jkun qed jilgħab miegħu Spiteri fl-għola diviżjoni Spanjola wara li lagħab għal żewġ staġuni ma’ Deportivo Leganés.
Indubjament dan jitqies bħala pass importanti ieħor għal Spiteri li fl-eta’ ta’ 15-il sena qiegħed jilgħab f’kampjonat tal-għola livell għat-tielet staġun konsekuttiv.
