Fl-unika partita tal-Ġimgħa filgħaxija fic-Centenary Stadium iltaqħu Naxxar Lions u Balzan, partita li fetħet l-20 ġurnata tal-Kampjonat Premier
L-ewwel azzjoni tal- partita waslet wara biss 4 minuti, meta kien Takuma Yamaguchi ta’ Naxxar Lions li approfitta minn żball fid-difiża ta’ Balzan iżda wiċċ imbwiċċ mal-goalkeeper Rudy Briffa naqas milli jolqot l-ballun tajjeb, bil-goalkeeper isalva bla problemi.
Fit-tlettax il-minuta mill-ġdid reġgħu Naxxar Lions li resqu qrib meta kien Ryan Gilmour Cassar li għadda ballun lejn Neil Pace Cocks li biddel il-ballun mal-ewwel ma Takuma Yamaguchi, b’dan ta’ l-aħħar tefa kross fil-baxx fil-kaxxa li sab lill-Pablo Augusto li kellu xutt salvat minn Rudy Briffa.
Żewġ minuti wara u Balzan spiċċaw b’plejer anqas meta Ivan Bozovic deher jagħti daqqa ta’ minkeb lill-Edson Cerqueira Farias, bir-referi Darryl Agius wera l-karta l-ħamra diretta li Bozovic.
Naxxar fetħu l-iskor fil-21 minuta meta minn azzjoni ta’ freekick l-ballun wasal għand Edson Farias Cerqueira li bla problemi bir-ras ikkonkluda l-ballun fix-xibka.
Risposta ta’ Balzan sitt minuti wara meta freekick ta’ Oliver Rommens u d-daqqa ta’ ras ta’ Henry Blackwook kienet salvata tajjeb mill-goalkeeper Matthias Debono.
L-azzjonijiet komplew jalternaw u ma’ ftit iżjed minn nofs siegħa logħob kross ta’ Maicon Souza ta’ Naxxar u konklużjoni ta’ Yamaguchi ġiet salvata minn Briffa. Il-lions għal ftit ma rduppjawx l-skor fil-35 minuta meta Elizeu De Souza li prova xutt mill-isbaħ li stampa mal-lasta bid-difiża eventwalment jirnexxila tbiegħed l-periklu.
Ħames minuti minn tmiem l-ewwel taqsima kien Pablo Augusto b’azzjoni personali li kompla lejn Neil Pace Cocks li xxutja għoli minn barra l-kaxxa.
Balzan ħarġu tajjeb fit-tieni taqsima u wara sitt minuti kien Jan Busuttil li kellhu xutt minn barra kaxxa salvat minn Matthias Debono, biex mir-rebound kien Dimeji Awosanya xxutja għoli.
Żewġ minuti wara u wieġbu Naxxar meta kien Ito Yasukaze li tefa kross fil-kaxxa u d-daqqa ta’ ras ta’ Edson Farias Cerqueira spiċċat għand Pablo Agusuto li kellhu konklużjoni newtralizzata mill-goalkeeper Briffa.
Jan Busuttil mill-ġdid perikoluż għal Balzan fil-65 minuta żda x-xutt fil-baxx minn ġol-kaxxa għadda barra. Fl-azzjoni sussegwenti minuta wara wieġbu Naxxar meta kien Edson Farias li tefa’ kross fil-baxxa u Pablo Agusuto ssikat minn difensur avversarju xxutja barra.
Balzan għamlu l-iskor indaqs fis-70 minuta meta wara azzjoni ta’ kross fil-baxxa l-ballun wasal għand s-sostitut Aleksander Katanic, li kien ilu biss minuta fil-ground, u b’xutt bid-dawra tefa’ l-ballun fir-rokna tax-xibka.
Żewġ minuti wara u reġgħu Balzan meta kien xutt ta’ Aleksa Andrejic li għadda kemm kemm għoli.
Fit-80 minuta Naxxar resqu qrib li jerġgħu jmorru fil-vantaġġ meta l-ewwel kien xutt ta’ Edson Farias, bil-goalkeeper Briffa salva b’diffikulta, u wara diversi tentattivi kien Elizeu li ra x-xutt tiegħu jaħbat mad-difiża u jmur f’corner.
Żewġ minuti wara u Naxxar wkoll spiċċw b’plejer anqas meta kien Elizeu li wettaq foul ikrah fuq Henry Blackwood bir-referi għat-tieni darba fil-partita kellu juza l-karta l-ħamra.
Referee: Daryl Agius
Plejer tal-logħba: Pablo Augusto (Naxxar L.)
