Fl-ewwel partita tal-Ħadd Naxxar Lions kisbu tlett punti f’rebħa ta’ 2-1 kontra Gudja United. Ta’ nota li din kienet it-tielet rebħa konsekuttiva għat-tim ta’ Naxxar, filwaqt li Gudja wara dia partiti għadom qed jfittxu l-ewwel rebħa tagħhom.
Fis-seba minuta waslet l-ewwel azzjoni tal-logħba min Naxxar meta kien Pablo De Carvalho li qassam l-ballun lejn Da Silva Moreiro li reġgħa biddel il-ballun ma’ Pablo Augusto De Carvalho li ra’ l-konkluzzjoni tiegħu tispiċċa barra.
Ma’ ftit iżjed minn kwarta logħob Naxxar Lions marru fil-vantaġġ meta kien Takuma Yamaguchi li krossja, bil-ballun jispiċċa għand Moreiro Da Silva li tefa fix-xibka minkejja li Eusebio Fernandes Mendes ipprova jikklerja.
Erba minuti wara u Gudja United għamlu l-iskor indaqs meta minn kross mil-lemin kien Gabriel Mensah li b’daqqa ta’ ras għeleb lill-goalkeeper Matthias Debono għal 1 – 1. Ir-reazzjoni ta’ Naxxar waslet fil-27 minuta meta kien Takumi Yamaguchi li gie wiċċ imb wiċċ mal-goalkeeper Spiteri li finalment imblokka f’corner.
Gudja mill-ġdid perikolużi tlett minuti wara permezz ta’ Santigo Angulo bil-goalkeeper Matthias Debono isalva. Żewg minuti minn tmiem l-ewwel taqsima u reġgħu Gudja United permezz ta’ Santigo Angulo, bil-goalkeeper Matthias Debono dawwar f’corner.
L-ewwel azzjoni fit-tieni taqsima waslet fis-56 minuta meta kien Takuma Yamaguchi li krossja u d-daqqa ta’ ras Pablo De Carvalho għaddiet ftit barra. Gudja wieġbu ftit wara meta Gabriel Mensah fajjar xutt fil-baxx li kien salvat minn Debono.
Mas-siegħa logħob wieġbu Naxxar permezz ta’ Takumi Yamaguchi, bil-goalkeeper Justin Spiteri dawwar f’corner.
Seba’ minuti mit-tmiem u kienu mil-ġdid Naxxar permezz ta’ Pablo Augusto De Carvalho li prova xutt fil-baxxa li kien imblukkat mill-goalkeeper. Dan sabiex tliet minuti mit-tmiem Naxxar skorjaw l-goal li taghhom t-tlett punti meta kien s-sostitut Maicon De Souza li b’xutt mill-isbaħ għar-rokna għeleb lill-goalkeeper Justin Spiteri.
Referee: Daniel Portelli.
BOV Plejer tal-logħba: Pablo de Carvalho (Naxxar Lions)
