Is-Sibt waranofsinhar saret it-Tazza tal-President avveniment li jsir b’risq il-Malta Community Chest Fund. Din laħqet kull aspettattiva b’tiġrija eċitanti mill-bidu sat-tmiem fejn ħareġ rebbieħ żiemel li ma kienx fost il-favoriti. Global Oracle misjuq minn Noel Baldacchino irreġistra l-ewwel rebħa tiegħu fostna segwit minn Overtaker by Sib, Drogba Bob, I Won’t Dance u Lajos Cella rispettivament. L-E.T. il-President ta’ Malta Marie Louise Coleiro Preca ppreżentat it-trofej lis-sid Kevin Bartolo fil-preżenza ta’ Jean Claude Cachia għall-isponsor Technovet u c-Chairman tal-Malta Racing Club Edwin Borg.
Bħala parti minn dan il-programm speċjali saret ukoll il-Mini President’s Cup għall-ponijiet shetland misjuqa mit-tfal li jattendu l-akkademja tat-tiġrijiet. Din intrebħet minn Daisy misjuqa minn Cherise Farrugia sabiex irrepetit is-suċċess tagħha ta’ l-2015.
Waqt dan il-programm ta’ tiġrijiet il-mistiedna speċjali kienet il-kantanta żagħżugħa Destiny Chukunyere.
Il-programm kien jikkonsisti wkoll minn 8 tiġrijiet normali fuq distanza ta’ 2640m li intrebħu minn Univers de Suce, Boko Won, Ibiri, Duc d’Haufor, Ugolin du Rib, Vaillant Marceaux, Ricciola Jet u Nilema.
Ritratt: Alex Azzopardi
