Gianni Infantino mill-ġdid elett bħala President tal-FIFA għal erba’ snin oħra

L-Avukat Żvizzeru-Taljan Gianni Infantino reġa’ elett mill-ġdid bħala President tal-FIFA għal erba’ snin oħra.

Huwa ġie elett waqt it-73 Kungress tal-ogħla organu tal-futbol, il-FIFA, li qed jitlaqqa fl-Irwanda.

Huwa ġie elett mill-Kungress, hekk kif ma kien hemm l-ebda kandidat ieħor fit-tellieqa għall-President tal-FIFA.

Gianni Infantino nħatar President tal-FIFA wara li ħa post Sepp Blatter fl-2016.

Preżenti għal dan il-Kungress kien hemm ukoll il-President tal-Assoċjazzjoni Maltija tal-Futbol, Bjorn Vassallo.

_{Ritratt: AFP}