Għinu lil dan is-santwarju jitma’ ikla speċjali tal-Milied lil 300 qattus abbandunat

Is-santwarju Carers for Stray and Abandoned Animals, CSAF, qed jitlob għall-għajnuna tal-pubbliku biex għal dan il-Milied jitma’ ikla speċjali lil 300 qattus abbandunat li qed jinżammu f’dan is-santwarju.

F’messaġġ fuq Facebook, is-santwarju spjega kif filwaqt li m’għandhomx familja li tħobbhom u toffrilhom il-kumdità ta’ dar, għal dan il-Milied il-voluntiera f’dan is-santwarju xtaqu jagħmlulhom ikla tiġieġ.

Spjegaw kif min jixtieq jagħti sehemu u forsi ma jistax imur hu personalment u jagħti sider tat-tiġieġ, jista’ xorta jagħti donazzjoni permezz ta’ donazzjoni b’messaġġ bil-mowbajl b’Revolut jew anke b’SMS.