Għada t-Tlieta se ssir ir-raba’ edizzjoni tal-għawma bejn Malta u Għawdex li se jagħmel Liam Daly, tifel Għawdxi ta’ 11-il sena.
Liam’s Swim – Keep The Sea Plastic Free Malta to Gozo hija għawma bil-għan li tqajjem kuxejenza dwar il-ħsara li l-plastik qed jikkawża fl-ibħra tagħna.
L-atleta Għawdxi se jkun qed jgħum 7 kilometri bejn Malta u Għawde; l-għawma se tibda mill-moll taċ-Ċirkewwa fl-10 ta’ filgħodu u mistenni jasal fil-bajja ta’ Mġarr ix-Xini Għawdex għall-ħabta ta’ nofsinhar.
Flimkien mat-tifel se jgħumu wkoll Fabio Spiteri u Pia Grech.
Liam jixtieq li permezz ta’ din l-għawma jiġbor €3,000 biex jagħtihom donazzjoni lil Nature Trust – FEE Malta. Għalhekk, kull min jixtieq jagħmel donazzjoni, jista’ jagħmel dan billi permezz ta’ Revolut jew BOV Mobile fuq in-numru 99424975 jew inkella Paypal fuq din il-ħolqa https://paypal.me/shamrockstars.
