Għexieren ta’ għasafar tal-bejt sfaw vittmi tal-maltempata hekk kif instabu mejtin fit-triq u fuq bankina fi Triq Għajn Qajjed fir-Rabat. Kien qarrej ta’ ONE News li għamel kuntatt mal-kamra tal-aħbarijiet fejn spjega kif dalgħodu ħa xokk kif ħareġ mid-dar u sab ma’ wiċċu din ix-xena makabra b’ammont kbir ta’ għasafar mejta.
Għalkemm li mhux komuni li wieħed isib għexieren ta’ għasafar mejta f’daqqa, mhix l-ewwel darba li ssemmiet storja simili fuq il-midja. Dan hekk kif matul is-snin dejjem toħroġ xi storja dwar ammont ta’ għasafar li jinstabu mejta kawża tal-maltemp, fosthom is-sena li għaddiet meta nstabu 400 għasfur mejjet f’Texas.
Ritratt + Filmat: David Camilleri
