Fi stqarrija, il-MaltaPost infurmat li s-Sub Uffiċċju tal-Posta “Many Things Stationery”, li jinsab fi Triq il-Knisja l-Qadima, Siġġiewi SGW 1704, se jkun magħluq bejn nhar il-Ħamis 6 ta’ Lulju u l-Erbgħa 12 ta’ Lulju 2023, iz-żewġ dati nklużi.
F’dawn il-ġranet, il-pubbliku jista’ juża s-servizzi li qed jingħataw mill-Fergħa Postali ta’ Ħaż-Żebbug li tinsab fi’ Triq Sciotino, Ħaż-Żebbug ZBG 1962.
Intant, is-Sub Uffiċċju “Willand Bargain Store”, li jinsab fi Triq Dun M Mifsud, Santa Luċija SLĊ 1440, se jkun magħluq ukoll bejn nhar is-Sibt 8 ta’ Lulju u t-Tlieta 18 ta’ Lulju 2023, iz-żewġ dati nklużi.
F’dawn il-ġranet, il-pubbliku jista’ juża s-servizzi li qed jingħataw mill-Fergħa Postali ta’ Raħal Ġdid li tinsab fiċ-Ċentru Ċiviku, Pjazza Antoine de Paule, Paola PLA 1266.
