L-unika annimali li għad fadal ħajjin f’zoo f’Mosul ġew salvati minn kundizzjonijiet ħżiena ħafna li kienu jinsabu fihom. Il-belt fl-Iraq tinsab mifnija bil-gwerra li għaddejja bħalissa. Simba l-iljun u Lula l-ors instabu abbadunati fiz-zoo privat fi Frar li għadda. Kienu għadhom fil-gaġeġ tagħhom, mimlija ħmieġ tagħhom stess u trab. L-organizazzjoni Four Paws International salvathom u nhar it-Tnejn ħadithom għal ħajja aħjar fil-Jordan. Sadinittant, sitt xhur ta’ ġlied qalil wassal biex ħafna persuni ċivili tiflu ħajjithom u eluf ħarbu minn djarhom. Tibqa l-ġlieda biex militanti tal-Istat Iżlamiku jħallu Mosul.
