Id-Dyslexia hija kundizzjoni li għandna nkunu kburin biha u mhux xi ħaġa nevitaw nsemmu. Hekk sostniet Doreen Mizzi waqt Youth Exchange li seħħ f’pajjiżna u kien iffurmat minn numru ta’ studenti minn madwar l-Ewropa.
Albert Einstein, Jennifer Aniston, Henry Ford, Tommy Hilfiger u Tom Cruise.
Ilkoll għandhom xi ħaġa komuni, id-Dyslexia. Huwa għalhekk li dan juri kemm ma jfisser xejn li int tkun Dyslexic għaliex xorta tista’ tavvanza f’ ħajtek.
Dan ħareġ waqt Youth Exchange bl-isem ta’ Sharing Experiences of Dyslexia across Europe. Dan l-exchange immexxi mill-Malta Dyslexia Association kien jinkludi sittin żagħżugħ u żagħżugħa minn bosta pajjiżi bħal Ġermanja, Italja, Greċja u r-Renju Unit.
Kull żagħżugħ li kien preżenti kellu ċ-ċans li jaqsam l-esperjenzi tiegħu u b’hekk jirnexxielu jibni karattru u self-esteem aktar sod. Permezz ta’ numru ta’ attivitajiet sportivi u kommunikazzjoni aħjar matul dawn is-sitt ijiem iż-żgħażagħ irnexxielhom joħorġu numru ta’ punti ta’ kif is-soċjeta’ tista’ taċċetta din il-kundizzjoni b’mod aħjar.
Dawn iż-żgħażagħ minn madwar l-Ewropa kellhom ukoll iċ-ċans li jistaqsu b’mod dirett lill-Ministru Helena Dalli u l-Ministru Evarist Bartolo dwar x’ beħsibhom jagħmlu sabiex ir-rispett fis-soċjeta’ Maltija għal dawn il-persuni jkun aktar vissibli.
Il-Ministru Dalli sostniet li wasal iż-żmien biex dawn il-persuni li jbatu minn din il-kundizzjoni ukoll jingħataw id-drittijiet li jixirqulhom. Meta mistoqsi dwar jekk hux ser idaħħal miżuri ġodda fl-assessjar tal-edukazzjoni, il-Ministru Evarist Bartolo sostna li l-Gvern għandu l-pjan li jbiddel il-mod ta’assesjar matul dawn il-ħames u għalhekk ikun hawn tibdil fil-kultura.
Dwar din tkellmet ukoll Doreen Mizzi, ic-ChairWoman tal-Malta Dyslexia Association li sostniet li hemm bżonn li l-Universita’ ta’ Malta tieħu fil-kusiderazzjoni stude nti li għandhom din il-kundizzjoni.
Doreen Mizzi sostniet li persuni li għandhom din il-kundizzjoni għandhom ikunu kburin għax huma speċjali u kienu bosta persuni li jbatu bid-Dysleixa li rnexxilhom jbiddlu id-dinja.
