Il-Karnival tas-sajf f’Buġibba kien wieħed ta’ suċċess! Kienu bosta l-Maltin u turisti li lbieraħ qattaw il-ħin tagħhom isegwu spettaklu ta’ kuluri u żfin.
Matul dan il-Karnival saret il-ġostra tradizzjonali fil-bajja ta’ taħt il-pjazza ta’ Buġibba kif ukoll id-défilé u l-parata tal-Karnival tul it-toroq ewlenin ta’ Buġibba fejn il-pubbliku seta’ japprezza s-sbuħija ta’ 11-il karru kif ukoll esebizzjonijiet ta’ żfin minn 10 kumpaniji.
Iżda għall-ewwel darba din is-sena, dan il-Karnival se jkun qed isir ukoll fin-naħa t’isfel tal-gżira Maltija. Fit-3 a.m il-karrijiet tal-Karnival ttieħdu Wied il-Għajn, hekk kif propju llejla jissokta l-Karnival tas-Sajf fit-toroq ta’ din il-lokalita.
