“Għal dejjem f’qalbi. Inħobbok” – is-sieħba ta’ Hugo Chetcuti

Urejtni xi tfisser imħabba vera. Ipproteġejtni minn kollox u urejtni kif nista’ ngħix ma xi ħadd fil-paċi.

Hekk saħqet in-namrata tal-imprenditur Hugo Chetcuti, Kseniya Yashchenko, f’messaġġ ippubblikata fuq il-mezzi soċjali Facebook u Instagram.

Fuq il-profil tagħha tispikka ħafna l-affezzjoni ta’ mħabba bejn din il-koppja b’diversi ritratti li juru wċuħ ferħana u memorji sbieħ li għexu flimkien fir-relazzjoni tagħhom.

Hugo Chetcuti tilef ħajtu lbieraħ kawża tal-ġrieħi li ġarrab wara li qala’ daqqiet ta’ sikkina sebat ijiem ilu f’Paceville.