Il-Wirja speċjali għas-Sena Marjana Djoċesana fil-mużew Il-Ħaġar (Pjazza San Ġorġ, Victoria) se titwal b’xi jiem, minħabba talbiet għal iktar opportunitajiet biex tiġi ammirata din il-firxa wiesgħa ta’ pitturi u oġġetti oħra tal-arti, offruti minn individwi u istituzzjonijiet, f’arranġament tematiku.
SUB TUUM PRAESIDIUM issa se tibqa’ miftuħa sal-Ħadd 17 ta’ Frar, meta eċċezzjonalment il-mużew mhux se jagħlaq qabel it-8pm. Il-ħinijiet normali huma 9am – 5pm, bla ħlas tad-dħul.
