Hekk kif it-45 edizzjoni tal-Rolex Middle Sea Race tidħol fl-aħħar sigħat tagħha, ftit dgħajjes biss għadhom fil-korsa. Kull waħda minnhom mistennija li tispiċċa qabel iċ-ċerimonja tal-għotja tal-premjijiet, li hija skedata għal nofsinhar nhar is-Sibt fid-Dar tal-Mediterran għal- Konferenzi. Bil-lejl u matul il-ġurnata tal-lum, in-numru ta’ dawk li spiċċaw issa tela’ għal 74, minn numru oriġinali ta’ 112.
Il-Klassijiet 5 u 6, li jinkludu dgħajjes iż-żgħar, flimkien mal-klassi ‘double handed’, kienu l-aħħar li riżultati li ħarġu bbażati fuq il-korrezzjoni tal-ħin tal-IRC. Fil-klassifika IRC 5, il-jott Calypso kien diġa kiseb ħin li ma jistax jinqabeż nhar il-Ħamis. Jingħaqdu mal-ekwipaġġ Malti fuq il-podju, hemm il-jott Bedouin mill-Awstralja u ekwipaġġ lokali ieħor, Geisha ta’ Stefan Debattista. Ir-rebbieħa tal-klassifika IRC 6 kienu Simon Toms u Zephyr, li spiċċa ftit wara nofsillejl illum. It-tieni u t-tielet pożizzjoni fil-klassifika tal-klassi ġew meħuda minn Lazy Duck, il-jott double handed ta’ John u Tom Ripard, u El Oro, l-jott Awstraljan mibni fl-1974.
Sebastian Ripard u Daniel Calascione, huma sidien u co-kaptani ta’Calypso. L-attakk tagħhom fuq il-Rolex Middle Sea Race ta’ din is-sena kien xiehda tal-ispirtu avventuruz tan-nannu ta’ Sebastian Ripard – John, li kien wieħed mill-baħħara li waqqaf it-tiġrija fl-1968. Wara li tellaq għall-ewwel darba fl-2002 fuq Market Wizard ma’ missieru John Jr., ir-relazzjoni ta’ Sebastian Ripard mat-tiġrija hija simbjotika. L-istess jista’ jingħad għal Calascione, li l-ewwel tiġrija tiegħu kienet fl-2003 ma’ missieru.
“Kellna tiġrija tajba,” qal Ripard. “Kien hemm ftit mistennija dwar x’għandna nistennew minn dgħajsa daqshekk żgħira, ta’ 30 pied biss, imma kellna tiġrija tassew tajba, u ma nistgħux nemmnu li rnexxielna nġibu dan ir-riżultat. Konna nafu li konna qed ngħixu prattikament fuq dinghy, u staqsejna kif ser nkampaw, speċjalment fl-ewwel maltempata. Aħna kemm xejn sorpriżi b’kemm dan mar tajjeb u ħassejna l-fiduċja tikber fid-dgħajsa mill-aspett tal-kapaċitajiet tagħna.”
Huwa diffiċli timmaġina kemm l-ekwipaġġ kien espost fuq dgħajsa ta’ din id-daqs. L-ispazju fuq huwa limitat, u l-kits personali kienu ristretti bl-ispazju aktar milli l-piż.
Ladarba bdiet it-tiġrija l-esperjenza kienet saħansitra aktar diffiċli biex timmaġina. “Fuq barra stajna naħdmu, iżda ġewwa spazju limitat – speċjalment meta wieħed jikkunsidra li wieħed kellu jorqod u jsajjar f’dak l-ispazju żgħir. “Xejn ma baqa’ niexef!” Huwa tal-għaġeb dak li l-ġisem tal-bniedem jista ‘jidra. Xi ħaġa li taħseb li hija impossibbli, jekk tagħmilha biżżejjed, tidraha.”
Fortunatament kien hemm mumenti tajbin u għal ftit deher li tista’ tkun it-tiġrija tal-Calypso fil-konkors ġenerali tal-IRC. L-effett fuq l-ekwipaġġ kien vitali. “Dan għolla l-moral.” irrimarka Ripard.
Fuq kollox, is-sens ta’ suċċess kien għoli. “Din hija l-ewwel darba li tellaqt b’dgħajsa tiegħi,” stqarr Ripard. “L-ewwel darba li kellna nagħmlu tant xogħol biex nagħmlu d-dgħajsa li tkun ippreparata tajba”
Għal Calascione l-esperjenza kienet waħda ta’ importanti. “Kollox ma kollox, kien hemm verament sodisfazzjon fil-preparazzjoni, għad-dgħajsa bħal dik, b’suċċess,” qal Calascione, li stqarr li ma kuġinuħ Sebastian jżommu konnessjoni b’saħħita billi jgħaddu min ħafna esperjenzi flimkien.
Photo Credit: Rolex / Kurt Arrigo
