Għada bejn is-2:00 u l-5:00 ta’ waranofsinhar jista’ jkun hemm qtugħ fit-trażmissjoni tar-radju. Dan minħabba li jekk it-temp jippermetti se jsiru xi xogħlijiet fuq it-torri tal-Għargħur.
Fi stqarrija, l-Awtorità tax-Xandir qalet li dawn ix-xogħlijiet kienu meħtieġa wara spezzjonijiet li saru f’dan it-torri fil-ġimgħat li għaddew.
L-Awtorità skużat ruħha għal kull inkonvenjent.
