Minn għada se jinfetħu l-applikazzjonijiet għall-istudenti li jixtiequ jagħmlu l-eżamijiet tal-MATSEC f’Settembru li ġej. L-istudenti jistgħu japplikaw għal dawn minn fuq is-sit elettroniku tal-MATSEC sal-10 ta’ Mejju li ġej.
Fi stqarrija l-MATSEC qalet ukoll li studenti li diġà kienu applikaw għall-eżamijiet ta’ Mejju m’għandhomx għalfejn jerġgħu japplikaw. Minflok, huma mitluba jidħlu fuq https://www.um.edu.mt/matsec/apply f’każ li jridu japplikaw għal xi suġġett ġdid.
F’każ li persuna tixtieq tagħmel tibdiliet partikolari, inkluż fil-livell tal-eżami li tixtieq tagħmel, għandha tibgħat email fuq registrations.matsec@um.edu.mt.
Applikanti ġodda mhux se jkunu eleġibbli għal re-sits li se jsiru f’Diċembru, u studenti li applikaw għall-eżamijiet tas-SEC iridu jerġgħu japplikaw f’Lulju.
Il-MATSEC temmet tgħid li dan huwa l-aħħar ċans biex wieħed japplika għal dawn l-eżamijiet.
