Għada se jiċċelebra pass importanti biex isir saċerdot

Matthew Sammut, mill-Parroċċa ta’ Kristu Rxoxt, Pembroke, huwa seminarist fil‑ħames sena ta’ preparazzjoni fis‑Seminarju tal‑Arċisqof.

Għada se jkun qed jitlob lill‑Arċisqof Charles Scicluna biex jaċċettah bħala kandidat għall‑Ordinazzjoni Djakonali u Saċerdotali. Din iċ‑ċelebrazzjoni ser issir għada, waqt il‑quddiesa fil-festa tal-Kunċizzjoni fil-kappella tas-Seminarju, Tal-Virtù fid-9:30 a.m.

Waqt din il-quddiesa, Matthew ser jistqarr pubblikament ir‑rieda tiegħu li joffri lilu nnifsu lill‑Knisja biex iservi bħala saċerdot. Ikun imiss umbad li jkompli jħejji lilu nnifsu bi preparazzjoni għall‑Ordni Sagri.