Il-Ħadd, 28 ta’ April se jkun qed jinfetaħ għall-ewwel darba l-ECOHIVE Academy f’Wied il-Għajn. Dak li qabel kien iċ-ċentru tal-viżitaturi ta’ WasteServ issa nbidel f’ċentru edukattiv u interattiv uniku.
Dan iċ-ċentru, li jifforma parti mill-Family Park ta’ Marsaskala, huwa immirat kemm għat-tfal kif ukoll għal kbar biex jitgħallmu iżjed dwar l-ekonomija ċirkulari u l-immaniġġjar tal-iskart biex dan ikun jista’ jinbidel f’riżorsa.
Permezz ta’ augmented reality, logħob diġitali u esibiti interattivi, it-tfal se jkunu qed jieħdu esperjenza ġdida ta’ tagħlim.
Iċ-ċentru huwa maqsum f’żoni fejn kull parti tiffoka fuq impjanti differenti għall-immaniġġjar tal-iskart li se jiffurmaw parti mill-proġett ECOHIVE.
Mad-dħul, it-tfal se jingħataw tablet biex permezz ta’ diversi kodiċi QR li hemm f’kull żona jkunu jistgħu jilagħbu logħob diġitali u jiksbu iktar informazzjoni dwar l-ipproċessar tal-iskart.
Għal din l-okkażjoni, il-pubbliku li jattendi se jkun jista jgawdi wkoll min numru t’ attivitajiet u divertiment għall-familja kollha. Minbarra logħob tradizzjonali Malti u attivitajiet oħra, t-tfal jistu’ jiltaqgħu wkoll mat-tlett maskots ta’ WasteServ – General Buzz, Commander Yellow u l-Garbage Monster.
Se jkun hemm shows tal-klieb K-9 mis-Sezzjoni tal-Klieb fi ħdan il-Facilita Korrettiva ta’ Kordin u anke sessjonijiet ta’ live cooking mill-parteċipanti ta’ MasterChef Malta. Dan filwaqt li se jkunu jistgħu jiksbu iktar informazzjoni fuq kif nistgħu nnaqqsu l-iskart fil-ħajja tagħna ta’ kuljum.
Tlabna lil Davinia Shead li hija Uffiċjal tar-Relazzjonijiet Pubbliċi fi ħdan il-WasteServ tiżvela aktar dwar il-proġett ECOHIVE Academy.
“L-għan tagħna hu biex kemm jista jkun inkunu nistgħu nistiednu lill-familji, it-tfal flimkien mal-ġenituri ragħhom biex jitgħallmu u jesperjenzaw logħob interrattiv relatat mas-separazzjoni tal-iskart. Nemmnu li biex il-pajjiż jimxi ’l quddiem u ngħixu aktar ħajja sostenibbli ħalli jkun hemm tibdil fil-kultura u l-mentalità tagħna. Bħala akkademja minn għada ħa nibdew nilħqu dawn l-għanijiet.”
Davinia Shead – Uffiċjal tal-Wasteserv
