Il-preżentatur veteran ta’ ONE, Alfred Zammit, illum id-19 ta’ Novembru, qed jiċċelebra għeluq sninu. Kienu bosta dawk li permezz tal-midja soċjali qed jawguraw lil Alfred, iżda spikka l-kumment ta’ wieħed mill-aktar nies qrib tiegħu, Joseph Borg magħruf bħala Ġorġ tad-downuts.
”Happy Birthday Alfred. Int għad-dinja persuna oħra, imma għalija int id-dinja. Grazzi ta’ kollox bro. Awgri minn qalbi” – Hekk kiteb Ġorġ, kollega fix-xandir, li jaħdem mill-viċin ta’ Alfred, b’mod partikolari fil-programm ta’ kuljum Kalamita.
Alfred Zammit, li llum ismu huwa assoċjat mal-programm kalamita fuq ONE, jibqa’ popolari għas-snin twal tiegħu fix-xandir, b’bosta programm popolari fosthom Burdati, Sibt Kumpanija, Fuq tlieta toqgħod il-borma, Tipp u ħafna aktar. Xejn inqas għal-programmi fuq ir-radju, hekk kif sal-lum il-ġurnata, Alfred għadu jżomm l-appuntament tiegħu mas-semmiegħa ta’ ONE Radio 92.7fm.
Wara l-elezzjonijiet lokali tal-2019, Alfred beda jokkupa l-kariga ta’ Sindku tal-Belt Kapitali.
