Miet fl-età ta’ 53 sena il-kantant George Michael. L-istilla mix-xena mużikali, li l-karriera tiegħu splodiet fis-snin tmenin huwa meqjus bħala wieħed mill-ikbar suċċessi fid-dinja tal-mużika.
Hu miet f’Jum il-Milied, f’Gorin, Oxfordshire.
Il-pulizija qed tgħid li l-mewt mhix suspettuża għalkemm sa issa mhix spjegata.
Mal-aħbar tal-mewt tiegħu kienu bosta l-artisli li esprimew sogħba. Fosthom Elton John li qal li “xxokjat” bl-aħbar u li tilef ħabib, bniedem ġeneruż u artist brillani. Il-familja qalet li f’dawn il-mumenti mhux se jkun hemm iktar kummenti u talbet li l-privatezza tagħha tkun rispettata.
