L-Awtorità tal-Ippjanar nediet sistema ta’ informazzjoni ġeografika online li se tippermetti lil dak li jkun jaċċessa l-informazzjoni aktar malajr u b’mod aktar faċli.
Is-sistema l-ġdida se tibda tintuża minflok il-Mapserver lihemm bħalissa. Fi kliem sempliċi, il-GeoPortal se jippermetti integrazzjoni aħjar ta’ mapep ma’ applikazzjonijiet u informazzjoni ġeografika. B’hekk ukoll ikun hemm aktar trasparenza. Is-servizz ġdid se jkun disponibbli wkoll fuq il-mobile.
Dawn l-aħħar ġimgħat l-Awtorità għamlet sessjonijiet ta’ taħriġ dwar is-sistema l-ġdida. Hemm ukoll support line 2290 1196 u indirizz tal-email geoserver@pa.org.mt għal min jixtieq aktar informazzjoni.
