Truppi Iżraeljani komplew joqorbu lejn Gaza għal dak li mistenni jkun l-ewwel attakk mill-art, iżda s’issa m’hemm ebda indikazzjoni meta dan se jkun qed iseħħ.
L-Iżrael wissiet lil aktar minn miljun Palestinjan li jgħixu fit-Tramuntana ta’ Gaza biex jevakwaw lejn in-Nofsinhar, fejn eluf qed jaħarbu bil-vetturi tagħhom u anke bil-mixi.
Sptar fit-Tramuntana ta’ Gaza sostna kif ġie mwissi biex jevakwa l-pazjenti iżda t-tobba rrifjutaw li jagħmlu dan.
L-Iżrael xegħlet mill-ġdid il-provvista tal-ilma fin-Nofsinhar ta’ Gaza wara li waqqfitu bħala parti mis-sistema tagħha.
In-Nazzjonijiet Uniti wissew kif Gaza qed tiġi mbuttata lejn l-abbiss, b’dak li qed jiġri fiha.
F’dan il-ġlied, li beda wara l-attakk tal-Hamas ta’ ġimgħa ilu, sa issa nqatlu madwar elf u tliet mitt Iżraeljan, u elfejn u tliet mitt Palestinjan.
