Ġappuniż liebes ta’ Joker mill-komiks ta’ Batman iweġġa’ numru ta’ persuni fuq ferrovija

Żagħżugħ liebes tal-karattru Joker mis-serje tal-komiks Batman attakka numru ta’ passiġġiera f’ferrovija f’Tokjo lbieraħ filgħaxija.

Mas-17-il persuna ndarbu waqt li kienu fi triqithom għall-festini marbuta mal-Halloween fil-belt Ġappuniża.

Xhieda qalu li raw liż-żagħżugħ jixħet likwidu ċar madwar il-vagun u jkebbes in-nar.

Malli raw hekk, il-passiġġiera bdew jiġru ’l bogħod min-nirien jew saħansitra jaqbżu mit-twieqi.