Futsal – It-tim nazzjonali Malti ta’ taħt il-19 il-sena jikseb riżultat storiku

Ġiet fit-tmiemha l-ewwel avventura tat-tim Nazzjonali Malti ta’ taħt il-19 il-sena barra mill-pajjiż hekk kif matul din il-ġimgħa ħa sehem fil-Kampjonati Ewropej tal-stess kategorija fil-Litwanja.

Malta kienet f’Grupp A flimkien mal-Ingilttera, l-Estonja u l-Litwanja.

Wara t-telfa ta’ 6 – 0 fl-ewwel ħarġa kontra l-Ingilterra, Malta kisbet punt fid-draw ta’ 2 – 2 kontra l-Litwanja bil-gowls tal-Maltin jiskurjawhom Mason Agius u Ivin Gatt.

Fit-tielet partita tal-Grupp Malta irnexxilha tirbaħ l-ewwel partita b’rebħa ta’ 4 -3 kontra l-Estonja. Għal Malta skorjaw Ivin Gatt, doppjetta ta’ Colin Sammut u Shiraz Attard.