F’messaġġ fuq is-sit soċjali Facebook, Franklin Calleja, kantant Malti b’vuċi mill-isbaħ, ħabbar li kien propju dalgħodu li rċeva ittre li tgħid li ġie magħżul għal audition Londra għax-xow famuż mondjali X Factor.
Hu sostna li għalkemm din l-aħbar ġiet bħala sorpriża mill-isbaħ u li din l-audition se tkun qed issir f’qasir żmien, filfatt il-ġimgħa d-dieħla, hu qal li se jkun qed jipprova kemm jista’ biex jirnexxilu jmur għax din hi xi ħaġa li dejjem xtaq jipprova.
X Factor huwa xow li fih jieħdu sehem bosta kantanti u artisti li minn dejjem xtaqu jwettqu l-ħolma ta’ fama. Fost il-kantanti li rnexxielhom joħorġu b’isem minn dan ix-xow huma Little Mix, Leona Lewis, James Arthur, Shayne Ward, One Direction u ħafna u ħafna oħrajn.
