Francesca Curmi ta’ 15-il sena kompliet turi konsistenza fil-wirjiet tagħha fejn kisret ukoll rekord u daħlet mal-ewwel 80 tennisti dinjijn ta’taħt it-18-il sena.
Minn meta ddebutat Curmi qabżet mal-1,800 post fejn dan il-fatt għamilha waħda mill-iżjed tennisti li ħaffet il-pass.
F’dawn l-aħħar 6 xhur hija waslet ukoll fil-finali fil-Marokk, Tuneżija u anke f’semi finali fi Spanja.
Tul il-progress tagħha Curmi għelbet tennisti prominenti dinjijn fosthom Sada Nahimna mill-Burundi li hija kklasifikata fit-33 post.
Il-coaches ta’ Francesca Curmi huma Matthew Asciak u Dali Susa.
