Fil-villaġġ lussuż Palm City fi Tripli, li huwa tal-grupp Corinthia, għandhom qed jinħassu l-effetti tal-instabbilità fil-Libja.
It-Times illum tirrapporta li d-dħul minn dan il-villaġġ fid-distrett Janzour naqas b’62% is-sena li għaddiet. Ħafna ħaddiema barranin telqu mill-pajjiż meta l-ġlied intensifika s-sena li għaddiet. Fl-2014 żewġ fazzjonijiet rivali ħadu kontroll tal-pajjiż, meta mlizzja minnhom ma’ rrikonoxxietx ir-riżultati tal-elezzjonijiet parlamentari u stabbiliet ruħha fi Tripli.
Id-dħul mill-krijiet għall-appartamenti residenzjali f’Palm City kien €27.5 miljun fl-2014, filwaqt li d-dħul minn kirjiet kummerċjali kien €585,000. Iżda fl-2015 id-dħul minn kirjiet residenzjali kien €9.6 miljun filwaqt li dħul minn kirjiet kummerċjali naqa b’nofs mis-sena ta’ qabel. Dan jirriżulta minn rapport imħejji mill-amministrazzjoni ta’ Palm City. Naqas ukoll il-valur tal-kumpless, biex minn €250 miljun, issa huwa stmat li jonqos b’€60.9 miljun.
F’Diċembru li għadda kien iffirmat ftehim dwar Gvern Nazzjonali, u b’hekk żdiedet xi ftit it-tama għall-istabilità fil-Libja.
Filmat li ftit snin ilu rriklamat Palm City
