Ġurnata pożittiva għall-Ferrari waqt il-provi uffiċjali għall-ewwel Grand Prix tal-istaġun fil-Bahrain. Is-sewwieq ta’ Ferrari Charles Leclerc se jibda mill-pole position hekk kif kiseb l-aħjar ħin fil-provi uffiċjali li saru s-sibt wara nofs-in nhar. Mit-tieni post se jitlaq iċ-champion renjanti Max Verstappen fuq Red Bull filwaqt li s-sewwieq l-ieħor ta’ Ferrari Carlos Sainz se jibda mit-tielet pożizzjoni.
Is-sewwieq ta’ Red Bull Sergio Perez se jibda mir-raba’ post.
Is-sewwieq ta’ Mercedes, il-brittanniku Lewis Hamilton se jibda mil-ħames post segwiet fl-ordni minn Valtteri Bottas (Alfa Romeo), Kevin Magnussen (Aston Martin,) u Fernando Alonso (Alpine).
George Russell fuq Mercedes se jiddebutta fl-ewwel Grand Prix tiegħu fid-disa’ post filwaqt li Pierre Gasly fuq Alpha Tauri se jibda mill-għaxar post.
