Fit-tielet jum tal-karnival, mijiet ta’ persuni ta’ kull età mlew il-Belt b’kostumi kkuluriti u ta’ diversi karattri biex isegwu karrijiet ta’ kull għamla, daqs u kulur kif ukoll kompetizzjonijiet imtellgħin minn bosta kumpaniji taż-żfin.
ONE News propju terraq it-toroq tal-Belt fejn hemm tkellem ma’ Jason Busuttil, id-Direttur Artistiku tal-karnival fejn stqarr magħna x’involva t-tielet jum tal-Karnival.
Huwa qal dan filwaqt li ħeġġeġ lil pubbliku sabiex jattendi u jara x’hemm ippreparat u jara l-lussu ta’ karrijiet u kompetizzjonijiet taż-żfin li hemm imħejjija.
Stqarr, “Ovjament wara l-ispettaklu li kellna lbieraħ li kien suċċess kbir, kienet ġurnata litteralment bdejna minn filgħodu bil-Karnival tat-tfal u spiċċajna tard billejl bil-kompetizzjonijiet ta’ żfin u karrijiet. Dalgħodu erġajna sbaħna hawnhekk ukoll li bdejn il-kompetizzjonijiet taż-żfin u waranofsinhar nibqgħu għaddejjin bl-isfirata kważi tal-karrijiet kważi kollha.”
Intant tkellimna wkoll ma’ numru ta’ żeffiena li lkoll jagħmlu parti minn kumpaniji differenti ta’ żfin fejn fi ftit kliem tawna rendikont ta’ kemm ilhom għaddejjin il-preparamenti għal tali kompetizzjonijiet filwaqt li wħud minnhom ukoll stqarrew magħna għalfejn għandhom tant għal qalbhom il-Karnival.
