Fl-unika partita tal-Ħadd fit-Tony Bezzina Stadium Floriana ħadu t-tlett punti f’rebħa ta’ 2-0 kontra San Lucia.
L-ewwel azzjoni tal-lobgħa waslet fis-sittax il-minuta minn Floriana meta kien Lorenzo Trillo li krossja, il-ballun ħabat mal-lasta l-wieqfa u deher jaħbat m’id Blie ta’ Santa Lucia, bir-referi ordna penalty. Mill-11 il-metru x-xutt ta’ Mattia Veselji ġie salvat mill-goalkeeper Calleja Cremona.
Fis-26 minuta mill-ġdid Floriana b’xutt bid-dawra ta’ Jan Busuttil għadda kemm kemm barra.
Fl-azzjoni sussegwenti minuta biss wara Floriana kellhom xutt b’saħħtu ta’ Kemar Reid li kien imdawwar f’korner mill-goalkeeper Calleja Cremona.
HT 0-0
Floriana marru fil-vantaġġ fl-54 minuta meta kross mill-lemin ta’ Kemar Reid lejn Mattia Veselji li b’xutt mill-isbaħ xeħet il-ballun fix-xibka.
Fil-71 minuta Floriana skorjaw it-tieni gowl fejn kien Jan Busuttil li provda l-kross u Adam Magri Overend b’xutt mill-ewwel tefa’ l-ballun wara l-goakeeper Calleja Cremona.
Referee: Glenn Tonna
BOV Pleyer tal-Logħba: Kemar Reid (Floriana)
