Floriana komplew jkkonvinċu u għelbu l-isfida ta’ Mosta bl-iskor ta’ 3-0.
Kienet rebħa meritata għall-Greens li dehru impostati tajjeb mil-lat tattiku fil-ground u meritatament ħadu t-tlett punti.
Il-Greens ħarġu fuq l-offensiva u fetħu l-iskor wara biss tliet minuti meta wara li rċieva minn cross mix-xellug, Matheus De Sousa, kellu d-daqqa ta’ ta’ ras tiegħu mill-viċin li ma tat l-ebda ċans lill-goalkeeper ta’ Mosta, David Udoh Akpan.
Mosta wettqu reazzjoni tajba u fis-sitt minuta, Thomas Tegwi kellu x-xutt tiegħu minn ġol-kaxxa li ntemm barra.
Iżda kienu l-Greens li rduppjaw l-iskor fit-tmien minuta meta d-difiża ta’ Mosta naqset milli tikklerja l-ballun li ntemm għand Matias Nicolas Garcia li minn pożizzoni ideali, spara ġewwa.
Mosta wettqu reazzjoni tajba u fil-45 minuta, eżattament qabel tmiem l-ewwel taqsima, kellhom ferħa bla temma meta minn azzjoni ta’ corner, difensur ta’ Floriana, tefa’ l-ballun fil-lasti tiegħu stess, izda dan il-goal tħassar immedjatament mi-referee tal-partita, Matthew De Gabriele, minħabba foul fl-attakk ta’ Mosta.
U biex l-affarijiet ikomplu ġejjin ħażin għal Mosta, fil-55 minuta, huma spiċċaw jilagħbu b’10 players meta tkeċċa għalihom permezz ta’ karta ħamra direttta il-player Zachary Brincat wara daħla kerha fuq player avversarju.
Fil-85 minuta, Floriana ssigillaw ir-rebħa permezz tat-tielet goal, meta Mattia Veselji kien jinsab fil-post it-tajjeb fil-mument opportun u permezz ta’ tentattiv mill-viċin tefa’ ġewwa.
Il-partita kompliet ikkaraterizzata minn ħafna logħob f’nofs il-ground, bi Floriana jkomplu jamministraw il-vantaġġ komdu li kellhom sa tmiem il-partita.
Referee: Matthew Degabrielle
BOV Plejer tal-Logħba: Matias Garcia (Floriana)
