Floriana bdew l-istaġun fuq nota mill-aktar pożittiva meta għelbu l-isfida ta’ Santa Lucia bl-iskor kbir ta’ 4-0.
Kienu Santa Lucia li ħolqu l-ewwel periklu meta minn freekick ta’ Hulk, Lucas Sena Silva għola tajjeb u permezz ta’ daqqa ta’ ras preċiża tefa’ ġewwa, iżda dan il-goal tħassar minħabba offside.
Huma komplew fuq l-offensiva u żewġ minuti biss wara, freekick ta’ Hulk, ġie kklerjat f’corner bir-ras minn Valazko.
Fis-26 minuta, Floriana, rebħu penalty meta Jose Ulises Arias twaqqa’ fil-kaxxa minn Sven Xerri. Mill-11-il metru, inkariga ruħu l-istess JOSE ULISES ARIAS li ma żbaljax.
U jidher li huma ma kinux kuntenti biżżejjed b’dan l-iskor hekk kif tliet minuti wara rduppjaw l-iskor meta JAN BUSUTTIL irċieva ballun fuq il-lemin mingħand Jose Ulises Arias, u b’xutt angulat għeleb lill-goalkeeper ta’ Santa Luia, Francisco Cello.
Fis-36 minuta Hulk għal Santa Lucia kellu freekick mid-distanza salvat mill-goalkeeper Bulgaru ta’ Floriana, Georgi Kitanov.
Dan sabiex fid-39 minuta Matheus Sousa għall-Greens. għadda tajjeb lejn Jan Bussttil li kellu x-xutt dijagonali tiegħu jgħaddi ftit barra.
Santa Lucia wieġbu żewġ minuti wara meta Jan Tanti xeħet cross mil-lemin lejn Lucas Sena Silva li kellu d-daqqa ta’ ras tiegħu tintemm ftit barra.
U biex l-affarijiet ikomplu sejrin ħażin għal Santa Lucia, fit-42 minuta huma qalghu daqqa ta’ ħarta meta spiċċaw jilagħbu b’10 players hekk kif tkeċċa għalihom il-player Steve Pisani, wara li rċeva żewġ karti sofor fil-partita, bit-tieni waħda jirċeviha wara li laqat b’idejh lil Jose Ulises Arias.
Żewġ minuti fil-ħin miżjud tal-ewwel taqsima, Jose Ulises Arias għal Floriana kellu freekick salvat minn Celia.
Fid-49 minuta, freekick sabih ta’ Hulk ġie salvat tajjeb minn Kitanov.
Iżda, żewġ minuti wara, Floriana għamluhom tlieta meta minn cross fit-tut ta’ Busuttill, Matheus Sousa daħal fil-kaxxa qabel kellu xutt angolat li ntemm għand KEMAR REID li b’xutt fil-baxx għeleb lil Celio.
Il-Greens setgħu ghamluhom erbgħa fit-78 minuta wara li nghataw penalty ieħor meta l-captain Jurgen Pisani miss il-ballun b’ idejh fil-kaxxa, imma Matheus Sousa kelllu t-tentattiv tiegħu imblukkat darbtejn minn Celio.
Huma ssiġillaw ir-rebħa permezz tar-raba’ goal fit-88 minuta meta wara li rċieva minn cross mil-lemin, OUALID EL HASNI bir-ras tefa’ ġewwa.
Dan sabiex fit-93 minuta, Mattia Veselji, dejjem għall-Greens, laqat il-wieqfa b xutt minn barra l-kaxxa.
Referee: Philip Farrugia
BOV Plejer tal-Logħba: Jan Busuttil (Floriana FC)
