Fl-ewwel partita tat-Tnejn fit-Tony Bezzina Floriana kisbu rebħa meritata ta’ 2-0 kontra Naxxar Lions, b’din tkun t-tieni rebħa konsekuttiva għall-Floriana, filwaqt li għal Naxxar din kienet it-tieni telfa konsekuttiva.
L-ewwel azzjoni tal-logħba waslet fil-11 il-minuta meta kien Owen Spiteri li tefa’ ballun fit-tul l-quddiem li sab ezatt lill-Thiaginio Santos, li avvanza u appena daħal fil-kaxxa fajjar xutt, bil-goalkeeper Matthias Debono jwettaq save mill-aqwa biex dawwar f’corner.
Fis-sbatax il-minuta reġgħu kienu Floriana meta Carlo Zammit Lonardelli b’xutt minn barra l-kaxxa impenja lill-goalkeeper Debono.
Tlett minuti wara u għal darboħra kienu l-Greens permezz ta’ freekick fil-baxx ta’ Thiaginio Santos u Ouslid El Hasni naqas milli jikkonkludi minn taħt l-lasti, b’Naxxar Lions jeħilsuha ħafif.
Floriana mill-ġdid perikolużi fil-35 minuta meta corner ta’ Thiaginio Santos u l-goalkeeper Matthias Debono ħareġ tajjeb u tajjar il-periklu.
Tlett minuti minn tmiem l-ewwel taqsima kien Kemar Reid li ra l-cross-shot fil-baxx tiegħu jiġi salvat f’corner minn Matthias Debono biex l-ewwel taqsima intemmet 0 – 0.
Fit- 53 minuta waslet l-ewwel azzjoni ta’ Naxxar fil-partita meta kien corner ta’ Westherley Garcia bil-goalkeeper ta’ Floriana Christoffer Mafoumbi salva l-periklu.
Tlett minuti wara wieġbu Floriana minn kross ta’ Carlo Zammit Lonardelli, u daqqa ta’ ras ta’ Dunstan Vella li għaddiet barra.
Fl-azzjoni sussegwenti Floriana marru fil-vantaġġ meta kien Vitor Barreto li waqqa’ lill-Carlo Zammit Londarelli fil-kaxxa, bir-referi Trustin Farrugia Cann ordna penalty. Inkariga ruħu mill-penalty Franklin Sasere li b’xutt fil-baxx tefa’ il-ballun fix-xibka u lill-Floriana meritatament fil-vantaġġ.
Fit-72 minuta wieġbu Naxxar Lions meta kien Neil Pace Cocks li kellu xutt minn barra l-kaxxa li għadda barra.
Żewġ minuti wara u minn kross ta’ Gustavo Barbosa għall-Lions, il-goalkeeper ta’ Floriana Christoffer Mafoumbi biegħed l-periklu.
Fid-79 minuta kien Cedric Yameogo ta’ Floriana li kellu konklużżjoni bir-ras li għaddiet barra.
Erbgħa minuti mit-tmiem u Naxxar resqu qrib il-goal tad-draw meta xutt mill-isbaħ tas-sostitut Kayne Haber għadda kemm kemm għoli mil-lasti difiżi minn Mafoumbi.
Mat-tokki tad-90 minuti Floriana għamlu l-iskor 2-0, meta kien Cedric Yameogo li tefa kross fil-baxxa, b’Jake Grech kellu xutt fjakk li sab eżatt lill-Franklin Sasere li bit-takkuna tefa’ l-ballun fix-xibka biex għaqqad dopjetta.
Referee: Trustin Farrugia Cann
Plejer tal-loghħba : Carlo Zammit Lonardelli (Floriana)
