Kien konfront ferm movimentat dak li ra lil Floriana jdawru telfa f’rebħa ta’ 2-1 kontra Marsaxlokk, biex b’hekk irritornaw għar-rebħ wara tliet partiti konsekuttivi mingħajr rebħa. Min-naħa l-oħra, din kienet l-ewwel telfa għal Marsaxlokk wara żewġ rebħiet konsekuttivi.
Qabel il-partita ġiet osservata minuta silenzju ad unur il-mibki iżda qatt minsi ex player leġġendarju ta’ Floriana Willie Vassallo li ħalla din id-dinja fi tmiem il-ġimgħa li għaddiet fl-etá ta’ 75 sena. Dan filwaqt li l-players Furjaniżi qabel il-partita ħarġu bi flokk li fakkar il-memorja tal-istess persuna.
Kienu Floriana li ħolqu l-ewwel periklu fit-12-il minuta meta Jake Grech kellu x-xutt fil-baxx mid-dawra li ġie salvat minn mal-art mingħajr wisq diffikultá mill-goalkeeper ta’ Marsaxlokk, Matthew Calleja Cremona.
Marsaxlokk wieġbu fl-14-il minuta meta Yuri De Jesus Messias indirizza cross li sab lil Joreg Ailton Soares li kellu d-daqqa ta’ ras mill-viċin tiegħu salvata tajjeb mill-goalkeeper tal-Greens, Christoffer Henri Mafoumbi.
Iżda kienu l-Greens li fallew ċans inkredibbli li jiftħu l-iskor man-nofsiegħa logħob meta Sasere mill-viċin ma laqatx sew il-ballun, b’Lucas Emanuel Lopez isalva l-ballun minn fuq il-linja, qabel ma d-difiża ta’ Marsaxlokk ikklerjat il-ballun ’il bogħod minn kull periklu.
U f’botta u risposta fl-azzjoni li segwiet fuq in-naħa l-oħra tal-pitch sekondi biss wara, Alex de Aguilar Gomes għal Marsaxlokk kellu x-xutt tiegħu imdawwar f’corner bi bravura minn Mafoumbi.
Floriana reġgħu ħolqu l-periklu fit-33 minuta meta Sasere kellu x-xutt tiegħu minn sosjsis idlelai debjat fcener mind dnerer tax-Xlukkjari.
Huma komplew jippressaw u minuta biss wara reġgħu ipprotestaw għall-penalty din id-darba wara li allegaw li player ta’ Marsaxlokk deher li allegatament kien miss il-ballun b’idu fil-kaxxa iżda r-referee Ishmael Barbara ħalla l-logħob għaddej.
Kulma jmur kompla d-dominju tal-Greens u fit-38 minuta Matias Nicolas Garcia kellu xutt mill-ewwel fil-baxx li rriżulta bħala ferm erratiku u ntemm barra.
Il-partita kompliet tisbieħ u fit-43 minuta Jorge Ailton Soares għax-Xlukkajri kellu x-xutt tiegħu mill-viċin salvat għal darb’oħra minn Mafoumbi. Huma komplew fuq l-offensiva u żewġ minuti wara, freekick insidjuż tal-ispeċjalista Leandro Aguirre intemm ftit barra.
Fit-tieni taqsima, kienu Floriana li ħolqu l-ewwel periklu fil-55 minuta meta Jake Grech kellu xutt minn tarf il-kaxxa li ġie salvat minn Calleja Cremona.
U mill-azzjoni li segwiet fuq in-naħa l-oħra tal-pitch sekondi biss wara, Marsaxlokk fetħu l-iskor meta NIKOLAI MUSCAT approfitta minn indeċiżjoni fid-difiża ta’ Alexandos Kouro, avvanza tajjeb u mill-viċin tefa’ ġewwa.
Iżda huma ma tantx damu jgawdu dan il-vantaġġ hekk kif fil-61 minuta Floriana rebħu penalty meta Ryan Scicluna waqqa’ lil Jose Fernando Junior Gomes fil-kaxxa, biex mill-11-il metru inkariga ruħu FRANKLIN SASERE li ma żbaljax hekk kif permezz ta’ xutt fil-baxx tefa’ l-ballun naħa u lil Calleja Cremona n-naħa opposta.
Dan il-goal provda injezzjoni morali lill-Greens u żewġ minuti wara xutt fil-baxx mid-distanza ta’ matias Nicolas Garcia ġie salvat minn mal-art minn Calleja Cremona. Huma komplew jattakkaw u fit-68 minuta, xutt sabiħ iżda nieqes mill-preċiżjoni ta’ Owen Spiteri intemm ftit barra.
Azzjoni wara l-oħra, finalment Floriana skorjaw il-goal tar-rebħa fl-84 minuta meta wara li rċieva minn azzjoni ta’ corner, OUALID EL HASNI, kien fil-post it-tajjeb fil-mument opportun u b’xamma kbira għall-goal tefa’ ġewwa.
Huma komplew jamministraw il-vantaġġ minimu li kellhom sa tmiem il-partita.
Referee: Ishmael Barbara
Plejer tal-Logħba: Jose Fernando Gomes Junior (Floriana FC)
