Il-Ħamis filgħaxija, it-tim Furjaniż għeleb lit-tim mill-Irlanda ta’ Fuq ta’ Linfield bl-iskor ta’ 1-0. B’din ir-rebħa, it-tim ta’ Floriana għadda għat-tielet rawnd ta’ kwalifikazzjoni fil-UEFA Europa League.
Ġewwa Windsor Park fl-Irlanda ta’ Fuq, iċ-champions tal-Kampjonat Malti marru fil-vantaġġ wara għaxar minuti logħob permezz tal-plejer Argentin Matias Garcia.
Lejn tmiem il-partita, fl-74 minuta l-Irlandiżi spiċċaw jilagħbu bi plejer inqas wara li tkeċċa Ross Larkin.
Permezz ta’ din ir-rebħa, it-tim Furjaniz nhar il-Ħamis li ġej se jilgħab kontra t-tim ta’ FC Flora mill-Estonja.
