Fl-Awstralja: tinstab qawwija u sħiħa ċ-ċkejkna li kienet ilha 18-il jum mitlufa

Iċ-ċkejkna Awstraljana ta’ erba’ snin instabet qawwija u sħiħa wara li kienet ilha 18-il jum mitlufa f’parti remota fil-Punent tal-Awstralja.

Hija nstabet f’kundizzjoni ta’ saħħa tajba msakkra f’dar li tinsab minuti ’l bogħod mid-dar tal-ġenituri tagħha.

Cleo Smith kienet sparixxiet minn kamp waqt li kienet mal-familja tagħha nhar is-16 ta’ Ottubru.

Dan l-għajbien wassal għal tfittxija kbira fl-inħawi wara anke appelli mqanqla mill-ġenituri tagħha biex isibu lil binthom.

Bħalissa, l-pulizija Awstraljana qed tkellem persuna ta’ 36 sena, madanakollu għadu ma sar l-ebda arrest.