Fl-Amerika, il-President Donald Trump estenda l-linji gwida rigward l-imxija tal-Coronavirus sat-30 ta’ April. Dan wara li ftit tal-jiem ilu kien sostna li s-sitwazzjoni kienet ser tkun kalma sa qabel l-festi tal-Għid.
Trump qal li r-rata tal-mwiet mistennija tilħaq il-quċċata tagħha ġimgħatejn oħra. Uffiċjal mediku tal-White House Dr Anthony Fauci kien qal li dan il-virus kien mistenni jolqot sa madwar 200,000 Amerikan.
Bħalissa fl-Istati Uniti hemm aktar minn 140,00 każ kkonfermat. Filwaqt li sal-Ħadd kien hemm elfejn erbgħa mijja u tlieta u disgħin każ ta’ mwiet irrapurtati kawża tal-COVID-19.
Sal-ġimgħa li għaddiet l-Istati Uniti qabżu liċ-Ċina u l-Italja fin-numru ta’ każijiet irrapurtati.
