Wara li fit-8 ta’ Diċembru 2023 kien twassal il-50 ONE BREAKFAST f’din l-iskeda, nhar it-Tlieta 27 ta’ Frar ONE BREAKFAST ikun qed iwassal il-100 programm tiegħu lis-segwaċi ta’ kull filgħodu fuq ONE.
Dorian Cassar ingħaqad lura ma’ ONE mal-bidu ta’ din l-iskeda u ta’ kull filgħodu mis-6:30am sat-8am jżomm l-appuntament tiegħu bil-breakfast-show televiżiv. Miegħu jingħaqdu Claudia Cuschieri u Elaine Degiorgio flimkien ma’ numru ta’ mistiedna li jwasslu tagħrif, jiddiskutu suġġetti varji u diskursati fuq temi kurrenti u politiċi.
ONE BREAKFAST huwa kkordinat ta’ kuljum minn Mariah Meli u Jurgen Manicolo bi produzzjoni eżekuttiva ta’ ONE Productions Ltd. u huwa l-ewwel programm tal-ġurnata fl-iskeda ta’ ONE.
Il-programm jixxandar f’xandira diretta mill-istudjos prinċipali ta’ ONE, il-Marsa iżda minn ħin għal ħin, il-programm jaġġorna lis-segwaċi bl-andament fit-toroq permezz ta’ viżwal dirett minn diversi żoni. Il-mistiedna varji, t-tagħrif li jitwassal, il-kariżma u l-pożittivita’ tal-preżentaturi qed jagħmel ONE BREAKFAST l-ewwel għażla għal dawk li jħobbu jixgħelu u jsegwu t-televiżjoni fl-ewwel ħinijiet tal-ġurnata.
