Ira Losco tinsab fi triqtha lura lejn Malta u ftit tal-minuti ilu ppubblikat ritratt tagħmel iċ-check in. Sagħtejn oħra se tkun Malta wara li tasal minn Munich u dawk li se jilqugħa fl-ajruport se jarawha liebsa ilbies komdu, bil-beritta f’rasha. Għalkemm bħal dejjem Ira toffri dik id-dehra ta’ artista mill-aqwa u bi stil liema bħalu. Nifhmu li segwaċi tagħha se jkunu qed jinġabru l-ajruport biex joffrulha appoġġ kif għamlu dejjem. Sinjal ta’ kemm jemmnu li kien ħaqqha tmur aħjar. Tal-inqas fil-pożizzjoni li ħasbet għaliha l-ġurija.
